Tuesday, July 30, 2019

வெறும் ஒரு எழுத்து தான் வித்தியாசம்.. இது தெரியாமல் இவ்ளோ நாள் புலம்பிட்டு இருக்கோமே..

Loading...
நான் நல்ல 5-8 Mbps வேகத்தில் உள்ள இன்டர்நெட் தான் வைத்துள்ளேன். ஆனால், 50 MB பாட்டு டவுன்லோடு ஆகுறதுக்கு, 5 நிமிஷம் ஆகுதே. என்ன காரணம்?’ நம்மில் பலருக்கும் இருக்கும் ஒரு சந்தேகம் தான் இது. இந்த குழப்பத்திற்கு காரணம் இணையத்தின் வேகத்தை நாம் புரிந்து கொள்ளாதது தான்.



பொதுவாக இணையத்தின் வேகம் Mbps என்ற அலகில் தான் குறிப்பிடுவார்கள். ஆனால், நாம் எம்பி3, வீடியோ, ஆடியோ பைல்கள் எல்லாம் MB என்ற மெமரி அளவில் இருக்கும். இந்த இரண்டிற்கும் ஓர் எழுத்து (‘B, b’) தான் வித்தியாசம். 

Mbps என்றால் Mega bit per second எனப்படும். அதாவது ஒரு நொடிக்கு 1 Mb டேட்டா வேகம் இருக்கும். அதுவே MBps என்றால் Mega Byte per second ஆகும். இவைகளில் ‘B’ என்ற எழுத்தில் தான் சூட்சமம் உள்ளது. ஏர்டெல், பிஎஸ்.என்.எல், ஜியோ போன்ற தொலைத் தொடர்பு சேவைகளின் இன்டர்நெட் டேட்டா பிளான்களை பார்த்தால், அவை அனைத்தும் Mbps (மெகா பிட்) என்ற சிறிய b எழுத்தில் தான் இருக்கும். நாம் நினைப்பது போல், அது MB (மெகா பைட்) அல்ல. 

கம்ப்யூட்டரைப் பொறுத்தவரையில், மிகமிக சிறிய யூனிட்டை bit என்று குறிப்பிடுவார்கள். 
8 bit = 1 Byte (பைட்) 
1024 Byte = 1 KB (கிலோ பைட்) 
1024 KB = 1 MB (மெகாபைட்) 
1024 MB = 1 GB (கிகா பைட்) 
1024 GB = 1 TB (டெரா பைட்) 
… 
எனவே, நாம் டவுன்லோடு செய்யும் பாடல் 50 MegaByte (MB) என்றால், அது 400 Megabit (Mb) ஆகும். நமது இன்டர்நெட்டின் வேகம் 5 Mbps என்று வைத்துக்கொள்வோம். அதாவது ஒரு நொடிக்கு 5 Mb டேட்டாவை பதிவிறக்கம் செய்கிறது. இப்போது பாடல் மொத்தம் 400 Mb டேட்டா என்றால், 400/5 = 80 நொடிகள். அதாவது சுமார் 1 நிமிடம், 20 நொடிகள் எடுத்துக் கொள்கிறது. எனவே, இணையத்தின் வேகத்துக்கு ஏற்றவாறு தான் டவுன்லோடு நடைபெறுகிறது. 

தற்போது இணையத்தின் வேகத்தை தெரிந்து கொள்ள பல்வேறு இணையதளங்கள் உள்ளன. https://www.speedtest.net/http://openspeedtest.com உள்ளிட்ட இணையதளங்கள் மூலம் பயனாளர்கள் தங்களது இணையத்தின் வேகத்தை தெரிந்து கொள்ளலாம். 

No comments:

Post a Comment